Pwy ydi Pwy
Cartref > Amdanom Ni > Pwy ydi Pwy
Lauren Hill, Cydlynydd HWB
Mae Lauren yn gyfrifol am cydlynu gwaith yr HWB yn ardal Penrhyndeudraeth a'r cylch, sydd yn cynnwys y pentrefi, Croesor, Llanfrothen, Minffordd a Rhyd. Mae'r gwaith yn cynnwys trefnu a cynnal gweithgareddau prescripsiynu cymdeithasol i oedolion - Dod Nol At Dy Goed, Cynefin a Chymuned i blant ysgol cynradd a cydlynu y cynlluniau Sgwrs a digidol. Mae Lauren wedi bod gyda'r prosiect ers 2020. Yn wreiddiol o Benrhyndeudraeth, mae Lauren erbyn heddiw yn byw yn Llanfrothen.
Tanya Woolway, Warden Ynni
Warden Ynni y Dref Werdd ydi Tanya ers 2022. Mae hi yn barod i ddarparu cyngor a chefnogaeth i leihau defnydd o ynni, helpu gyda biliau neu dyledion ynni, egluro billiau ac tariff, gosod mesuriadau sydd yn arbed ynni fel bulbiau LED a deunyddiau atal drafftiau a rhoi cefnogaeth gyda grantiau. Wedi ei fagu yn Mlaenau mae Tanya ac dal yn byw yn nghanol y gymuned hyd heddiw.
Megan Elin Griffiths, Gweithiwr Prosiect Addysgol
Dechreuodd Meg fel Cynorthwyydd Amgylcheddol gyda ni yn 2022, ac mae bellach yn gweithio fel ein Gweithiwr Prosiect Addysgol. Ei rôl yw ymweld ag ysgolion yn ardal Ffestiniog i addysgu ac ysbrydoli plant am yr amgylchedd. Mae Meg hefyd yn cyfrifol am Casglu a Chysylltu sydd yn grwp codi sbwriel sydd yn gweithio yn yr ardel lleol hefo gwirfyddolwyr. Ymunodd a'r tim yn 2022. Hefyd yn wreiddiol o Groesor, ac yn parhau i fyw yno heddiw.
Wil Gritten, Rheolwr Prosiect Skyline
Wil sydd yn gyfrifol o ddatblygu prosiectau wahanol Skyline sydd yn cynnwys sefydlu canolfan sgiliau traddodiadol, banc coed cymunedol a sefydlu menter tyfu ffrwythau a llysiau i'w ddarparu yn lleol. Wil yw un o'r aelodau mwyaf diweddar o staff y prosiect wrth cyhwyn yn 2022. Yn wreiddiol o Groesor, mae Wil yn parhau i fyw yno heddiw.
Rhian Williams, Gweithiwr Prosiect Llesiant
Rhian yw un o'r gwynebau cyntaf welwch chi wrth fynd i ein Canolfan Galw Mewn. Gwaith Rhian yw darparu cymorth a chyngor yn y ganolfan i aelodau y gymuned sydd yn cynnwys cyngor gyda budd-daliadau, cyngor ynni, cefnogi'r banc bwyd lleol a llawer iawn mwy. Ymunodd Rhian a'r dim yn 2019 a does na ddim llawer dydi hi ddim yn gallu gwneud! Yn wreiddiol o Sir Gaerfyrddin ac yn byw yn Blaenau erbyn heddiw hefo'i theulu.
Non Roberts, Cydlynydd HWB
Non yw ein cydlynydd yn ardal Bro Ffestiniog, mae Non wedi gweithio hefo Y Dref Werdd ers 2015. Mae gwaith o dydd i ddydd Non yn cynnwys trefnu a cynnal gweithgareddau prescripsiynu cymdeithasol i oedolion, Dod Nol At Dy Goed, Cynefin a Chymuned i blant ysgol cynradd a cydlynu y cynlluniau Sgwrs a digidol. Mae Non yn byw yn Blaenau ble mae hi'n wreiddiol yn dod.
Marged Eardley, Gweithiwr Prosiect Llesiant
Mae Marged yn aelod newydd o staff ers Gorffennaf 2022 ac yn cydweithio gyda Rhian yn y ganolfan galw heibio yn y dref. Ei rôl hi yw darparu cymorth a chefnogaeth ar amryw o ymholiadau. Mae Marged hefyd yn cefnogi ein prosiectau eraill yn Y Dref Werdd o Cynefin a Chymuned i blant i'n gwaith amgylcheddol. Yn wreiddiol o Groesor, mae Marged wedi gweithio yn ardal Ffestiniog ers 11 mlynedd diwethaf.
Megan Thorman, Gweithiwr Prosiect Amgylcheddol
Ymunodd Meg y tim yn 2019 ar gychwyn prosiect 4 mlynedd ariannir gan y Gronfa Gymunedol. Megan yw ein gweithiwr amgylcheddol sydd yn gyfrifol o osod rhaglen i reoli rhywogaethau ymledol, datblygu mannau gwyrdd cymunedol, plannu coed a cynnal sesiynau amgylcheddol gyda grwpiau ac ysgolion Bro Ffestiniog. Mae Meg yn wreiddiol o Flaenau ac yn parhau i fyw yno heddiw.
Emma Ody, Cydlynydd Caffis Trwsio a'r Ceir Cymunedol
Mae Emma yn gyfrifol o sefydlu ein dau caffi trwsio ym Mhenrhyndeudraeth a Blaenau. Yn ogystal, mae Emma yn gyfrifol o gydlynu ein ceir cymunedol trydanol sydd ar gael i'r cyhoedd logi ac cychwynodd Emma hefo ni yn 2022 hefyd! Yn wreiddiol o'r Amwythig, mae Emma bellach wedi ymgartrefu yng Nghriccieth.
Hefin Hamer, Crefftwr Cymunedol
Mae Hefin wedi bod yn gweithio gyda'r Dref Werdd ers 2020, gan helpu gyda phob agwedd ar y prosiect o reolaeth Rhodedendron i arwain gwyllcrefft a sesiynau natur. Yn fwyaf diweddar mae Hef wedi bod yn gweithio gyda Wil yn adeiladu'r ganolfan sgiliau traddodiadol (tŷ crwn Celtaidd) a'r banc logs. Cafodd Hef ei eni a'i fagu ym Mlaenau Ffestiniog ac mae'n gweithio'n ddiflino i gefnogi ei gymuned.
Gwydion ap Wynn, Rheolwr Prosiect
Mae Gwydion wedi rheoli y Dref Werdd ers 2015 ac yn gyfrifol o rediad y cwmni yn ei gyfanrwydd, sydd yn cynnwys rheoli y holl staff a phrosiectau, materion cyllid y cwmni, adnabod a cheisio am ffynhonellau ariannol ac yn atebol i'r Bwrdd o gyfarwyddwyr yn rheolaidd. Mae Gwydion yn wreiddiol o Groesor ac yn byw yn ardal Llecheiddior ger Garndolbenmaen.